Koblenz 某教堂
作者: admin
德國不來梅培訓
溫州2日1夜
非常無耐公司安排星期六去驗收一台機械, 晨早7點半嘅火車, 搭~5個鐘去溫州, 唔係話好辛苦, 但絕對唔過癮. 工廠嚮永嘉縣, 離溫州市區仲有段距離. 一直都有個概念溫州係有錢人地方, 成日都有溫州乜鬼’買樓團’出外掃房地產. 不過, 永嘉眼見就似東莞某D鎮仔, 唔係咁’城市feel’.
公事一個下午算係搞掂, 夜晚住咗間江邊海景嘅酒店, 打晒節都要4百幾人仔一晚 (鎮仔都咁貴)
海景房…….. 個夜景:
南京 + 陽州
個人感覺幾巴X的2010上海世博
拎咗飛幾個月, 因為興趣不大, 所以一直無去. 十月十日, 終於去了…….
中午食埋飯先入場, 唔使排隊. 世博園區夠大, 所以唔排隊入館的話行得都相當舒服, 兼且果日陰天… 好彩!!
中國搞呢類’盛事’都唔需要懷疑, 要錢有錢, 要人有人. 唯獨依舊保留左’富有中國特色’:
1. 排隊打佔
2. 家長抱住小朋友隨地小便 (眼見都兩次, 仲要嚮路中心!!)
3. 形式化的保安檢查
4. 黑口黑面的工作人員 (當然唔係全部, 但亦非常容易見到)
有人話, 唔去世博係遺憾, 去咗更遺憾! 我又唔係太同意呢句話, 我只可以話, 去唔去都唔遺憾. 大嘅館排太耐隊, 實在無本事排. 唔使點排嘅, 入到場發無嘢好睇 (當然大場亦唔代表有嘢睇). 總之去完世博之後, 感覺係: 行完, 真好!!
河南洛陽, 三門峽
一日得幾班機, 所以好鬆動
2010年6月4日北京
上海南翔鎮
搭地鐵11號線嚮南翔站落車, 再轉南翔2號巴士, 兩個站就去到古猗園. 果度有間”中國名點 世界金獎”, 號稱南翔小籠發源地的 “古猗園南翔小籠”, 當然要試o下佢o既小籠啦. “古猗園南翔小籠” 官方網 http://www.gyynx-xiaolong.com:6001/xiaolong/
問過店員城隍廟裡面果間”南翔饅頭店”同佢o地有無關係, 店員的答覆係無. 但睇番小冊子, 似乎有關係. 南翔饅頭店係我有生以來食過最難食o既小籠!!!!!! 不幸地, 古猗園南翔小籠雖然未叫難食, 但都絕對唔係好食.
2010上海世博開幕前
對世博一直都無乜興趣, 不過住得近就行過去睇吓
青島遊
遊玩篇
由上海出發, 先坐地鐵去龍陽路地鐵站, 再轉磁浮火車. 本身50元的車票, 只要有當日坐飛機的相關資料, 就可以用40元坐到. 相關資料好似機票, 電子機票, 甚至電子機票的確認email 都得. 我就用一張打印出o黍的email, 果位賣飛哥哥根本睇都無睇, 誇張d 講, 你搵張白紙就咁摺埋佢就可以當係. 另外如果唔係搭早班機, 係完全唔會選擇坐磁浮火車, 唔方便, 而且十零廿蚊機場巴士都到, 唔使轉車